“RB Leypsig” jamoasi ustozi Domeniko Tedesko jamoasining “Atalanta”ga qarshi safardagi o‘yinidan keyin o‘z fikrlari bilan o‘rtoqlashdi.

Nemis klubi birinchi uchrashuvdagi durangdan so‘ng Bergamoda raqiblarini 2:0 hisobida mag‘lub etib, yarim finalga yo‘llanmani qo‘lga kiritdi.

“Biz bu bosqichdan o‘tganimizdan juda xursandmiz. Biz "Atalanta"ga  iloji boricha o‘yin bermasligimiz, Sapata uchun hech qanday erkin zona qoldirmaslik kerakligini bilardik. Biz birinchi bo‘limda ham, ikkinchi bo‘limda ham himoyada ishonchli o‘ynab, buning uddasidan chiqdik. Qarshi hujumlardan keyin ham vaziyatlar yarata oldik. Men jamoa bilan faxrlanaman.

Yarim finalga chiqish "Leypsig" uchun tarixiy voqea. Menimcha, agar 180 daqiqalik qarama-qarshilikni hisobga olsak, jamoa bunga to‘liq loyiq edi”, - deydi Tedesko.