“РБ Лейпциг” жамоаси устози Доменико Тедеско жамоасининг “Аталанта”га қарши сафардаги ўйинидан кейин ўз фикрлари билан ўртоқлашди.
Немис клуби биринчи учрашувдаги дурангдан сўнг Бергамода рақибларини 2:0 ҳисобида мағлуб этиб, ярим финалга йўлланмани қўлга киритди.
“Биз бу босқичдан ўтганимиздан жуда хурсандмиз. Биз "Аталанта"га иложи борича ўйин бермаслигимиз, Сапата учун ҳеч қандай эркин зона қолдирмаслик кераклигини билардик. Биз биринчи бўлимда ҳам, иккинчи бўлимда ҳам ҳимояда ишончли ўйнаб, бунинг уддасидан чиқдик. Қарши ҳужумлардан кейин ҳам вазиятлар ярата олдик. Мен жамоа билан фахрланаман.
Ярим финалга чиқиш "Лейпциг" учун тарихий воқеа. Менимча, агар 180 дақиқалик қарама-қаршиликни ҳисобга олсак, жамоа бунга тўлиқ лойиқ эди”, - дейди Тедеско.
