"Manchester Yunayted"ning bo‘lajak bosh murabbiyi Erik Ten Xag klub rahbarlariga hujumchi Krishtianu Ronalduni o‘z tarkibiga kiritmasligini aytdi. Ayni damda gollandiyalik mutaxassis bor etiborini "Ayaks" bilan mavsumni yakunlashga qaratgan, biroq shu bilan birga "Old Trafford"dagi yozgi transferlar oynasi haqida o‘ylamoqda.
Daily Star nashri xabariga ko‘ra, Ten Xag "qizil iblislar" rahbariyatiga 37 yoshli futbolchisiz jamoa tuzmoqchi ekanligini aytgan, chunki uning yoshi portugaliyalikning o‘yiniga ta’sir o‘tkazadi. E’tiborlisi, Krishtianu "Manchester Yunayted"ning joriy mavsumdagi eng yaxshi to‘purari bo‘lib turibdi.
Ma’lum qilinishicha, yulduz futbolchi mavsumdan hafsalasi pir bo‘lgan, shu bois mart oyi oxirida u agenti Xorxe Mendesh bilan gaplashib, faoliyatini davom ettirish imkoniyatlari haqida gaplashgan. Biroq, u haqida qaror allaqachon qabul qilingan, shuning uchun endi Ronaldu ketish yo‘llarini izlashi kerak.
