"Манчестер Юнайтед"нинг бўлажак бош мураббийи Эрик Тен Хаг клуб раҳбарларига ҳужумчи Криштиану Роналдуни ўз таркибига киритмаслигини айтди. Айни дамда голландиялик мутахассис бор этиборини "Аякс" билан мавсумни якунлашга қаратган, бироқ шу билан бирга "Олд Траффорд"даги ёзги трансферлар ойнаси ҳақида ўйламоқда.
Daily Star нашри хабарига кўра, Тен Хаг "қизил иблислар" раҳбариятига 37 ёшли футболчисиз жамоа тузмоқчи эканлигини айтган, чунки унинг ёши португалияликнинг ўйинига таъсир ўтказади. Эътиборлиси, Криштиану "Манчестер Юнайтед"нинг жорий мавсумдаги энг яхши тўпурари бўлиб турибди.
Маълум қилинишича, юлдуз футболчи мавсумдан ҳафсаласи пир бўлган, шу боис март ойи охирида у агенти Хорхе Мендеш билан гаплашиб, фаолиятини давом эттириш имкониятлари ҳақида гаплашган. Бироқ, у ҳақида қарор аллақачон қабул қилинган, шунинг учун энди Роналду кетиш йўлларини излаши керак.
