“Barselona” muxlislari Yevropa ligasi 1/4 finalining javob o‘yini (2:3) vaqtida “Kamp Nou” stadionida “Ayntraxt” muxlislari ko‘pligidan norozi bo‘lishdi, deb xabar bermoqda jurnalist Samuel Marsden.
Bunga norozilik sifatida kataloniyalik muxlislar o‘yin tanaffus vaqtida o‘z joylarini tark etishdi va ikkinchi bo‘lim boshlanganidan 10-20 daqiqa o‘tib qaytishdi.
O‘yin yakunlanganidan so‘ng, frankfurtliklar uzoq vaqt davomida maydonni tark etmadilar, g‘alabani o‘z muxlislari bilan nishonladilar, tribunada Germaniyadan tashrif buyurgan 20-25 mingga yaqin kishi bor edi.
