“Барселона” мухлислари Европа лигаси 1/4 финалининг жавоб ўйини (2:3) вақтида “Камп Ноу” стадионида “Айнтрахт” мухлислари кўплигидан норози бўлишди, деб хабар бермоқда журналист Самуэль Марсден.

Бунга норозилик сифатида каталониялик мухлислар ўйин танаффус вақтида ўз жойларини тарк этишди ва иккинчи бўлим бошланганидан 10-20 дақиқа ўтиб қайтишди.

Ўйин якунланганидан сўнг, франкфуртликлар узоқ вақт давомида майдонни тарк этмадилар, ғалабани ўз мухлислари билан нишонладилар, трибунада Германиядан ташриф буюрган 20-25 мингга яқин киши бор эди.