"Vest Xem"ning sobiq futbolchilaridan biri Jo Koul jamoani yarim finalga yo‘l olgani haqida fikr bildirdi. U shunday deydi:
"Aql-bovar qilmas futbol. Ular kuchli va tartibli o‘yin namoyish etishdi. Sizga futbolda eng avvalo g‘alaba ishtiyoqidagi futbolchilar zarur. Ularning darajasi esa keyingi masala hisoblanadi. Moyes ana shunday jamoa shakllantira oldi. Jamoada bugun hissiyot va sovuqqonlik o‘rtasida ajoyib muvozanat mavjud edi. Moyes esa o‘ta aqlli qarorlar qabul qildi. Ayni damda u o‘z faoliyatining yuqori darajasiga chiqa oldi".
