"Brentford" klubi ikki futbolchi borasida Doneskning "Shaxtyor" klubi bilan muzokaralar o‘tkazgan. Xabarlarga ko‘ra, London jamoasi Ukrainadan hujumchi Mixail Mudrik hamda qanot himoyachisi Nikolay Matviyenkoni xarid qilishni rejasiga kiritgan.

21 yoshli Mudrik yanvar oyida ham "arilar"dan taklif olgan edi. Ammo "Shaxtyor" unga 20 million funtli narx qo‘yganidan keyin, transfer harakatlari to‘xtab qolgan.

25 yoshli Matviyenko esa doneskliklarning ishongan vakili hisoblanadi. U hozirga qadar 47 ta uchrashuvda maydonga tushishga ulgurgan.