"Atalanta" yarim himoyachisi Martin de Ron Yevropa ligasining 2021/2022 yilgi mavsumi 1/4 finalining javob uchrashuvida "Leypsig"ga qarshi o‘yindagi mag‘lubiyat (0:2) haqida fikr bildirdi.
“Bugungi o‘yinni to‘liq tahlil qila olmayman. Natijani o‘zgartirish uchun oxirgi pasni aniq amalga oshira olmadik. Yevrokuboklarda o‘ynash ajoyib edi. Buni keyingi mavsumda ham takrorlamoqchimiz. Oldinda Italiya chempionatida yana yettita o‘yin bor. Biz yevrokuboklar zonasiga kirish uchun qo‘limizdan kelganini qilamiz", - dedi De Ron Tuttomercatoweb portaliga bergan intervyusida.
