Madridning “Real” klubi “Chelsi” himoyachisi Antonio Ryudigerga shartnoma taklif qilmoqchi.

Ispaniyaning Fichajes nashri xabariga ko‘ra, Madridning "Real" klubi yozgi transfer oynasida Antonio Ryudigerni o‘z safiga qo‘shib olmoqchi va unga yiliga 10 million yevrolik shartnoma taklif qiladi. "Barselona" ham qiziqmoqda, ammo Kataloniya klubi futbolchi bilan maosh borasida kelisha olmayapti.

29 yoshli futbolchi mavsumni ajoyib tarzda o‘tkazmoqda. U “Chelsi” safida barcha turnirlarda 46 ta o‘yin o‘tkazib, 5 ta gol va 4 ta golli uzatmani amalga oshirdi. Futbolchining London klubi bilan shartnomasi shu yozda tugaydi va futbolchi jamoani erkin agent sifatida tark etishi mumkin.