Мадриднинг “Реал” клуби “Челси” ҳимоячиси Антонио Рюдигерга шартнома таклиф қилмоқчи.

Испаниянинг Fichajes нашри хабарига кўра, Мадриднинг "Реал" клуби ёзги трансфер ойнасида Антонио Рюдигерни ўз сафига қўшиб олмоқчи ва унга йилига 10 миллион евролик шартнома таклиф қилади. "Барселона" ҳам қизиқмоқда, аммо Каталония клуби футболчи билан маош борасида келиша олмаяпти.

29 ёшли футболчи мавсумни ажойиб тарзда ўтказмоқда. У “Челси” сафида барча турнирларда 46 та ўйин ўтказиб, 5 та гол ва 4 та голли узатмани амалга оширди. Футболчининг Лондон клуби билан шартномаси шу ёзда тугайди ва футболчи жамоани эркин агент сифатида тарк этиши мумкин.