"Bavariya" hali ham "Torino" himoyachisi Gleyson Bremer uchun kurashishga tayyor, deya xabar beradi La Gazzetta dello Sport.
Manba bergan xabarga ko‘ra, myunxenliklar klubi Bremerni yozda Dortmundning "Borussiya" jamoasiga ketadigan Niklas Zyule o‘rniga o‘rinbosar sifatida ko‘rmoqda. Mavsumni yaxshi o‘tkazayotgan “Torino” himoyachisini sotib olmoqchi bo‘lgan klublar yetarlicha. Turin klubi asosiy futbolchisini 50 million yevroga sotmoqchi.
25 yoshli braziliyalik futbolchi 2018 yilda “Atletiko Mineyro”dan 5,8 million yevro evaziga “Torino”ga o‘tgandi. Uning amaldagi shartnomasi 2024 yilgacha mo‘ljallangan.
Bremer joriy mavsumda klub safida 29 ta o‘yinda maydonga tushib, 3 ta gol va bitta golli uzatmani amalga oshirdi. Transfermarkt futbolchining narxi 30 mln yevroga baholagan.
