"Liverpul" hujumchisi Divok Origi joriy mavsum oxirida "Milan"ga erkin agent sifatida qo‘shiladi, deya xabar beradi jurnalist Nikolo Skira tvitterdagi sahifasida.

Manba bergan xabarga ko‘ra, 26 yoshli belgiyalik futbolchi Italiya klubi bilan yiliga 3,5 million yevro maosh oladigan 4 yillik shartnoma imzolagan.

Qayd etilishicha, hujumchi “Bayer”, “Kristal Pelas” va “Nyukasl” klublarining takliflarini rad etgan.

Origi joriy mavsumda “Liverpul” safida barcha turnirlar doirasida 15 ta o‘yinda maydonga tushib, 5 ta gol va 3 ta golli uzatmani amalga oshirdi. Uning ingliz klubi bilan shartnomasi 2022 yilning 30 iyuniga qadar mo‘ljallangan.