"Ливерпуль" ҳужумчиси Дивок Ориги жорий мавсум охирида "Милан"га эркин агент сифатида қўшилади, дея хабар беради журналист Николо Скира твиттердаги саҳифасида.

Манба берган хабарга кўра, 26 ёшли бельгиялик футболчи Италия клуби билан йилига 3,5 миллион евро маош оладиган 4 йиллик шартнома имзолаган.

Қайд этилишича, ҳужумчи “Байер”, “Кристал Пэлас” ва “Ньюкасл” клубларининг таклифларини рад этган.

Ориги жорий мавсумда “Ливерпуль” сафида барча турнирлар доирасида 15 та ўйинда майдонга тушиб, 5 та гол ва 3 та голли узатмани амалга оширди. Унинг инглиз клуби билан шартномаси 2022 йилнинг 30 июнига қадар мўлжалланган.