“Inter” himoyachisi Robin Gosens jarohatidan forig‘ bo‘ldi va maydonga tushishga tayyor.

Nemis himoyachisi qishda "Atalanta"dan ijara asosida "neradzurrilar" safiga o‘tgandi. U Milan klubi safida 5 ta uchrashuvda maydonga tushdi.

Gosens Italiyadagi eng yaxshi chap qanot himoyachilaridan biri. So‘nggi bir necha yil ichida u "Atalanta" safida 157 ta o‘yinda maydonga tushib, 29 ta gol va 21 ta golli uzatmani amalga oshirdi. Avvalroq "Inter" nihoyat futbolchining huquqlarini sotib olgani haqida xabar berilgandi.