"Lion"ning "Vest Xem"ga 0:3 hisobida yutqazib, Yevropa ligasidan tushib ketganidan so‘ng, klub prezidenti Jan-Mishel Ola matbuot anjumanida bosh murabbiy Peter Boshning kelajagi haqida gapirib, ayni damda uni ishdan bo‘shatish niyati yo‘qligiga shama qildi.
"Biz tarkibni qanday yaxshilash haqida o‘ylash niyatidamiz, Piterning intilishlariga javob berish uchun sarmoya kiritish uchun mablag‘imiz bo‘ladi. Bu sarguzashtni davom ettirishga umid qilamiz", - dedi klub prezidenti.
Biroq, "Lion" futbol direktori Vinsent Ponso mavsum tugaganidan keyin vaziyat o‘zgarishi mumkinligini aytdi.
"Mavsum oxirida natijalarni sarhisob qilamiz. Maqsadlar amalga oshmasa, bundan xulosa chiqarishga to‘g‘ri keladi. Ammo yettita o‘yin qoldi, taslim bo‘lmaymiz”, — dedi u.
