"Bavariya" hujumchisi Robert Levandovskining rafiqasi Anna ijtimoiy tarmoqdagi posti bilan turmush o‘rtog‘ining Kataloniyaning "Barselona" klubiga o‘tishi haqidagi mish-mishlarni kuchaytirdi.

Anna fotosuratini e’lon qildi va ispan tilida quyidagicha deydi: "Hammaga salom. Malyorkadan xayrli kun. Men nihoyat shu yerda ekanligimdan baxtliman. Men ispan tilini o‘rganishni boshladim. Siz nima deb o‘ylaysiz? Nima uchun?".

Eslatib o‘tamiz, avvalroq Myunxenning “Bavariya” klubi bosh murabbiyi Yulian Nagelsmann, Levandovski jamoani tark etmoqchi emasligini aytgan edi.

Ma’lumot o‘rnida, bir necha kun oldin nemis klubi chorak finalda “Vilyarreal”ga umumiy hisobda yutqazib, Chempionlar ligasidan chiqib ketdi.