"Бавария" ҳужумчиси Роберт Левандовскининг рафиқаси Анна ижтимоий тармоқдаги пости билан турмуш ўртоғининг Каталониянинг "Барселона" клубига ўтиши ҳақидаги миш-мишларни кучайтирди.

Анна фотосуратини эълон қилди ва испан тилида қуйидагича дейди: "Ҳаммага салом. Мальоркадан хайрли кун. Мен ниҳоят шу ерда эканлигимдан бахтлиман. Мен испан тилини ўрганишни бошладим. Сиз нима деб ўйлайсиз? Нима учун?".

Эслатиб ўтамиз, аввалроқ Мюнхеннинг “Бавария” клуби бош мураббийи Юлиан Нагельсманн, Левандовски жамоани тарк этмоқчи эмаслигини айтган эди.

Маълумот ўрнида, бир неча кун олдин немис клуби чорак финалда “Вильярреал”га умумий ҳисобда ютқазиб, Чемпионлар лигасидан чиқиб кетди.