Rossiyaning "Match TV" telekanali bosh prodyuserining birinchi o‘rinbosari Dmitriy Rijkov Angliya Premyer-ligasi o‘yinlari translyasiyasi bilan bog‘liq savolga javob berdi. Rijkov Qatarda bo‘lib o‘tadigan Jahon chempionati o‘yinlari translyasiyasiga ham oydinlik kiritdi.
“Ayni damda terma jamoamizga ruxsat berilmaganiga qaramay, xokkey bo‘yicha Jahon chempionatini ko‘rsatishga tayyorgarlik ko‘ryapmiz. Ehtimol, bu endi Jahon chempionati emas, shunchaki jamoalar o‘rtasidagi Halqaro chempionatdir. Keling, yigitlarimizsiz ushbu turnir qanday ko‘rinishini ko‘rsataylik. Turnir, menimcha, juda qashshoqlashdi. Qatardagi chempionatga kelsak, umid qilamizki, hamkorlarimiz barcha majburiyatlarni bajaradi va Rossiyadagi tomoshabinlar bu turnirni ko‘radi. Angliya chempionatiga kelsak, vaziyat ancha murakkab – savol ochiq. Ayni damda bizda huquqlar bor va shundan kelib chiqib, avgust oyida translyasiya qilishni rejalashtirmoqdamiz”, — dedi Rijkov.
