Россиянинг "Матч ТВ" телеканали бош продюсерининг биринчи ўринбосари Дмитрий Рижков Англия Премьер-лигаси ўйинлари трансляцияси билан боғлиқ саволга жавоб берди. Рижков Қатарда бўлиб ўтадиган Жаҳон чемпионати ўйинлари трансляциясига ҳам ойдинлик киритди.
“Айни дамда терма жамоамизга рухсат берилмаганига қарамай, хоккей бўйича Жаҳон чемпионатини кўрсатишга тайёргарлик кўряпмиз. Эҳтимол, бу энди Жаҳон чемпионати эмас, шунчаки жамоалар ўртасидаги Ҳалқаро чемпионатдир. Келинг, йигитларимизсиз ушбу турнир қандай кўринишини кўрсатайлик. Турнир, менимча, жуда қашшоқлашди. Қатардаги чемпионатга келсак, умид қиламизки, ҳамкорларимиз барча мажбуриятларни бажаради ва Россиядаги томошабинлар бу турнирни кўради. Англия чемпионатига келсак, вазият анча мураккаб – савол очиқ. Айни дамда бизда ҳуқуқлар бор ва шундан келиб чиқиб, август ойида трансляция қилишни режалаштирмоқдамиз”, — деди Рижков.
