“Manchester Siti” himoyachisi, Aleksandr Zinchenko rossiyalik futbolchilarga murojaat qildi.

“Rossiyada do‘stlar orasida kichik davramiz bor, lekin hozir u deyarli yo‘qolib ketdi. Men juda xafaman. Bularning barchasi sodir bo‘lishi bilan men tanigan yigitlar menga qo‘ng‘iroq qilishdi va "biz juda afsusdamiz, Aleks, lekin biz hech narsa qila olmaymiz" - deb yozishdi.

Albatta mumkin. Agar siz jim bo‘lsangiz, demak siz hozir Ukrainada bo‘layotgan voqealarni qo‘llab-quvvatlaysiz. Nima uchun ular buni qilishlarini tushunmayapman.

Ehtimol, ular qo‘rqishadi, chunki biz ijtimoiy tarmoqlarda ruslar norozilik bildirish uchun chiqsa, qamoqqa olingan fotosuratlarni ko‘ryapmiz. Futbolchilarga yoki katta auditoriyaga ega bo‘lganlarga qarang.

Ishona olasizmi, agar ular bir vaqtning o‘zida: "Yigitlar, biz harbiy operasiyaga qarshimiz, biz buni to‘xtatishimiz kerak" - deb yozsalar, ular hammasi hibsga olinadimi? Albatta yo‘q. Ularning hech narsa demasliklari juda sharmandali”, - dedi Zinchenko The Guardian bilan suhbatda.