“Манчестер Сити” ҳимоячиси, Александр Зинченко россиялик футболчиларга мурожаат қилди.

“Россияда дўстлар орасида кичик даврамиз бор, лекин ҳозир у деярли йўқолиб кетди. Мен жуда хафаман. Буларнинг барчаси содир бўлиши билан мен таниган йигитлар менга қўнғироқ қилишди ва "биз жуда афсусдамиз, Алекс, лекин биз ҳеч нарса қила олмаймиз" - деб ёзишди.

Албатта мумкин. Агар сиз жим бўлсангиз, демак сиз ҳозир Украинада бўлаётган воқеаларни қўллаб-қувватлайсиз. Нима учун улар буни қилишларини тушунмаяпман.

Эҳтимол, улар қўрқишади, чунки биз ижтимоий тармоқларда руслар норозилик билдириш учун чиқса, қамоққа олинган фотосуратларни кўряпмиз. Футболчиларга ёки катта аудиторияга эга бўлганларга қаранг.

Ишона оласизми, агар улар бир вақтнинг ўзида: "Йигитлар, биз ҳарбий операцияга қаршимиз, биз буни тўхтатишимиз керак" - деб ёзсалар, улар ҳаммаси ҳибсга олинадими? Албатта йўқ. Уларнинг ҳеч нарса демасликлари жуда шармандали”, - деди Зинченко The Guardian билан суҳбатда.