«Barselona» Yevropa ligasi chorak final bosqichi doirasida bo‘lib o‘tgan «Ayntraxt»ga qarshi o‘yinda yuz bergan voqeadan so‘ng uchrashuvlarga chipta sotish uslubini o‘zgartirishga qaror qildi.

Eslatib o‘tamiz, mazkur o‘yinga juda ko‘p germaniyalik ishqibozlar tashrif buyurishdi. Ma’lumotlarga qaraganda, ularning soni 20.000-30.000 atrofida bo‘lgan. Nega bunday bo‘lganini "Barsa" prezidenti Joan Laporta tushuntirdi.

«Savdoga 34 440 dona chipta chiqarilgandi. Ularni Germaniya bank kartalari yoki nemis IP'lari orqali xarid qilish mumkin emas edi. Klub nemislarga chipta sotmadi. Ammo chipta xarid qilganlar keyinchalik chiptani germaniyalik muxlislarga berishgan. Bizda buning isboti bor», – dedi «Barsa» prezidenti.

Joan Laportaning so‘zlariga ko‘ra, klub kelasi mavsumdan boshlab yevrokuboklar bahslari uchun har bir muxlis nomiga rasmiylashtirib beriladi. U bilan boshqa ishqiboz stadionga kira olmaydi.