«Барселона» Европа лигаси чорак финал босқичи доирасида бўлиб ўтган «Айнтрахт»га қарши ўйинда юз берган воқеадан сўнг учрашувларга чипта сотиш услубини ўзгартиришга қарор қилди.

Эслатиб ўтамиз, мазкур ўйинга жуда кўп германиялик ишқибозлар ташриф буюришди. Маълумотларга қараганда, уларнинг сони 20.000-30.000 атрофида бўлган. Нега бундай бўлганини "Барса" президенти Жоан Лапорта тушунтирди.

«Савдога 34 440 дона чипта чиқарилганди. Уларни Германия банк карталари ёки немис IP'лари орқали харид қилиш мумкин эмас эди. Клуб немисларга чипта сотмади. Аммо чипта харид қилганлар кейинчалик чиптани германиялик мухлисларга беришган. Бизда бунинг исботи бор», – деди «Барса» президенти.

Жоан Лапортанинг сўзларига кўра, клуб келаси мавсумдан бошлаб еврокубоклар баҳслари учун ҳар бир мухлис номига расмийлаштириб берилади. У билан бошқа ишқибоз стадионга кира олмайди.