"Manchester Yunayted" vakillari "Yuventus" hujumchisi Paulo Dibala bilan uchrashuv o‘tkazishdi. Ingliz klubi 28 yoshli argentinalik futbolchining yozda "Manchester Yunayted"ga o‘tishi mumkinligini muhokama qilmoqda, deb xabar beradi TMW.

Oldinroq, Dibala mavsum yakunida "Yuventus"ni shartnoma muddati tugagach, tekinga tark etishi malum bo‘lgandi. Shu bois u “qizil iblislar” safiga erkin agent sifatida borishi mumkin.

Forvard joriy mavsumda barcha turnirlarda 32 ta o‘yin o‘tkazib, 13 ta gol urdi va 6 ta golli uzatmani amalga oshirdi.