Ispaniya chempionatining 32-turidan o‘rin olgan uchrashuvda «Atletiko Madrid» o‘z maydonida «Espanyol»ni qabul qildi va hakam tomonidan qo‘shib berilgan vaqtda g‘alaba to‘pini kiritdi.
Bular Chempionlar Ligasi zonasi uchun kurashayotgan Diyego Simeone jamoasi uchun juda muhim uch ochko edi.
«Atletiko» joriy mavsumda qo‘shib berilgan vaqtda kiritilgan gollar evaziga o‘n ochkoni qo‘lga kiritdi.
Ular fevral oyidagi «Xetafe»ga qarshi o‘yinda ham g‘alaba golini kiritib, 3 ochkoni qo‘lga kiritgan edi. Bu La Ligadagi eng yuqori ko‘rsatkich bo‘lib, Diyego Simeone jamoasining kuchli irodali jamoa ekanligidan dalolat beradi.
