«Liverpul» «Monako» yarim himoyachisi Orelyen Tchuameniga qiziqish bildirmoqda, deb xabar beradi La Gazetta dello Sport.

Manbaga ko‘ra, uning transfer summasi 83 million funtga baholanmoqda. 22 yoshli fransiyalik futbolchiga «Real», «Chelsi», «Manchester Yunayted» va «Milan» ham da’vogarlik qilmoqda.

Joriy mavsumda himoyachi fransuz klubi safida 44 ta o‘yin o‘tkazib, 5 ta gol va 6 ta golli uzatmani amalga oshirdi. Transfermarkt Fransiya terma jamoasi yarim himoyachisini 40 million yevroga baholamoqda.

Avvalroq, «Liverpul» «Barselona» futbolchisi Gaviga ham qiziqish bildirayotgani haqida xabar berilgandi.