"Real Madrid" bosh murabbiyi Karlo Anchelotti 2022 yilgi jahon chempionatida Kanada terma jamoasini qo‘llab-quvvatlashini tan oldi.
“Bo‘lajak jahon chempionatida men Kanadaga muxlislik qilaman. Ular ko‘p yillardan buyon turnirda qatnashishmadi. Qolaversa, bu mening ikkinchi uyim", - deya Anchelotti so‘zlarini keltiradi Rai Sport.
Eslatib o‘tamiz, Kanada 36 yil ichida birinchi marta jahon chempionatiga chiqdi. Kanada terma jamoasi oxirgi marta 1986 yilgi jahon chempionatida o‘ynagan. O‘sha yili Argentina jahon chempioni bo‘lgandi.