«Liverpul» bosh murabbiyi Yurgen Klopp «Manchester Yunayted»ga qarshi bo‘lib o‘tadigan bahs haqida fikr bildirdi. Uchrashuv ertaga bo‘lib o‘tadi.
«Katta o‘yin kutib turibdi, ehtimol dunyodagi eng katta ikki klub o‘rtasidagi uchrashuvdir. Ispaniyada ular boshqacha fikr yuritishlarini bilaman, lekin mening fikrimcha, «Liverpul» – «Manchester Yunayted» – bu dunyoning eng yirik klublari o‘rtasidagi o‘yin.
Ikkala jamoa ham Chempionlar ligasi yo‘llanmasi uchun kurashmoqda. Bu qiyin o‘yin bo‘ladi. «Yunayted» kuchli to‘rtlikka kirish uchun harakat qildi va ertaga ular o‘z maqsadlari sari yo‘l olishadi», - deydi Klopp.
