«Ливерпуль» бош мураббийи Юрген Клопп «Манчестер Юнайтед»га қарши бўлиб ўтадиган баҳс ҳақида фикр билдирди. Учрашув эртага бўлиб ўтади.

«Катта ўйин кутиб турибди, эҳтимол дунёдаги энг катта икки клуб ўртасидаги учрашувдир. Испанияда улар бошқача фикр юритишларини биламан, лекин менинг фикримча, «Ливерпуль» – «Манчестер Юнайтед» – бу дунёнинг энг йирик клублари ўртасидаги ўйин.

Иккала жамоа ҳам Чемпионлар лигаси йўлланмаси учун курашмоқда. Бу қийин ўйин бўлади. «Юнайтед» кучли тўртликка кириш учун ҳаракат қилди ва эртага улар ўз мақсадлари сари йўл олишади», - дейди Клопп.