«Liverpul» bosh murabbiyi Yurgen Klopp «qizillar» hujumchisi Sadio Manening o‘yiniga Luis Diasning mersisaydliklar safiga qo‘shilishi ta’sir qilgan yoki yo‘qligini aytdi.
«Men Sadio Maneni deyarli olti yildan beri bilaman, bilishimcha, u o‘zining eng yaxshi formasida o‘ynashi uchun hech qachon, hech kim bilan raqobatlashmaydi.
U uzoq vaqt yuqori formada bo‘lganida, deyarli har bir o‘yinda va doimiy ravishda o‘ynadi. Luis Diasning kelishi uning o‘yiniga qandaydir ta’sir qilganiga ishonchim komil emas.
Bu Luisning kelgani uchun emas edi, balki markazda o‘ynash Sadioga ham juda mos keladi. U chap qanotda yaxshi o‘ynaydi, ammo markaziy hujumda ham o‘ynay olishini isbotlamoqda», - deya Kloppning so‘zlarini keltiradi Goal.