«Kadis» bosh murabbiyi «Barselona» ustidan qozonilgan g‘alabadan xursand.

"Kadis" jamoasi La Liganing 32-turida kataloniyaliklarni safarda mag‘lub etdi (1:0).

“Bu katta va juda qiyin o‘yin bo‘ldi. «Barsa» yaxshi start oldi, lekin biz rejamiz bo‘yicha o‘ynadik va imkoniyatlarga ega bo‘ldik. Tanaffusdan keyin Dembele bilan bo‘lgan vaziyatlarni tuzatdik.

Biz hisobni 2:0 ga yetkazishimiz mumkin edi, keyin esa «Barselona» pressing uyushtirdi va bizning darvozabonimiz Xeremias Ledesma o‘zini juda yaxshi ko‘rsatdi.

Jamoa chin yurakdan o‘ynadi, to‘p bilan va to‘psiz nima qilishni bilardik. Bu g‘alaba adolatlimi, bilmayman, lekin biz uchun bu mo‘’jizaga o‘xshaydi.

«Kamp Nou»da g‘alaba qozonish oson emas. "Kadis" qiyinchiliklarga duch keldi, raqibda durang uchun imkoniyatlar bo‘ldi, lekin bizda ham bittadan ko‘p gol urish uchun imkoniyatlar bo‘ldi.

Bu g‘alaba bizga yoqilg‘idek xizmat qilishi, mavsum yakuniga kuch berishi kerak. Bu uch ochko hayotiy ahamiyatga ega, bu ochkolar bizga raketa kabi tezlanish beradi” - dedi Serxio Gonsales Soriano.

«Kadis» La Liganing 32 ta o‘yinida 31 ochko to‘plagan va 16-o‘rinda bormoqda.