«Кадис» бош мураббийи «Барселона» устидан қозонилган ғалабадан хурсанд.

"Кадис" жамоаси Ла Лиганинг 32-турида каталонияликларни сафарда мағлуб этди (1:0).

“Бу катта ва жуда қийин ўйин бўлди. «Барса» яхши старт олди, лекин биз режамиз бўйича ўйнадик ва имкониятларга эга бўлдик. Танаффусдан кейин Дембеле билан бўлган вазиятларни тузатдик.

Биз ҳисобни 2:0 га етказишимиз мумкин эди, кейин эса «Барселона» прессинг уюштирди ва бизнинг дарвозабонимиз Херемиас Ледесма ўзини жуда яхши кўрсатди.

Жамоа чин юракдан ўйнади, тўп билан ва тўпсиз нима қилишни билардик. Бу ғалаба адолатлими, билмайман, лекин биз учун бу мўъжизага ўхшайди.

«Камп Ноу»да ғалаба қозониш осон эмас. "Кадис" қийинчиликларга дуч келди, рақибда дуранг учун имкониятлар бўлди, лекин бизда ҳам биттадан кўп гол уриш учун имкониятлар бўлди.

Бу ғалаба бизга ёқилғидек хизмат қилиши, мавсум якунига куч бериши керак. Бу уч очко ҳаётий аҳамиятга эга, бу очколар бизга ракета каби тезланиш беради” - деди Серхио Гонсалес Сориано.

«Кадис» Ла Лиганинг 32 та ўйинида 31 очко тўплаган ва 16-ўринда бормоқда.