"Arsenal"dan ijaraga olingan "Fiorentina" yarim himoyachisi Lukas Torreyra Italiya klubida qolishi mumkin, deya xabar beradi jurnalist Nikolo Skira.
Manbaga ko‘ra, "binafsharanglar" 26 yoshli urugvaylik futbolchining shartnomasini sotib olish variantini faollashtirishga tayyor. "Fiorentina" yarim himoyachi uchun 15 million yevro to‘lashi mumkin va kelishuv 2026 yilning yoziga qadar mo‘ljallangan.
Joriy mavsumda Torreyra "Fiorentina" tarkibida 30 ta o‘yinda maydonga tushib, 5 ta gol urdi va 5 golli uzatmani amalga oshirdi. Transfermarkt portali futbolchining narxini 20 million yevroga baholamoqda.
