"Арсенал"дан ижарага олинган "Фиорентина" ярим ҳимоячиси Лукас Торрейра Италия клубида қолиши мумкин, дея хабар беради журналист Николо Скира.
Манбага кўра, "бинафшаранглар" 26 ёшли уругвайлик футболчининг шартномасини сотиб олиш вариантини фаоллаштиришга тайёр. "Фиорентина" ярим ҳимоячи учун 15 миллион евро тўлаши мумкин ва келишув 2026 йилнинг ёзига қадар мўлжалланган.
Жорий мавсумда Торрейра "Фиорентина" таркибида 30 та ўйинда майдонга тушиб, 5 та гол урди ва 5 голли узатмани амалга оширди. Transfermarkt портали футболчининг нархини 20 миллион еврога баҳоламоқда.
