Ibrohimxalil «Spartak» nigohida yoki legionerlarimizda nima gaplar?

Rossiya. RPL 25-turidan o‘rin olgan «Ufa» - SSKA o‘yinida tomonlar oxirgi daqiqalarda 1tadan gol urishdi - 1:1. Boshqirdiston jamoasi xavbeki Oston O‘runov bu safar ham zaxirada qoldirildi - 0:0.

«Nijniy Novgorod» - «Ximki» bahsida ham kuchlar teng keldi - 0:0. O‘yindan oldin mezbon jamoa himoyachisi Ibrohimxalil Yo‘ldoshevning jarohatdan keyin mashg‘ulotlarga qaytgani haqida xabar berilgan bo‘lsada, u maydonga tushmadi. Aytgancha, «Nijniy Novgorod» Yo‘ldoshevga yangi shartnoma tayyorlamoqda. Chunonchi, «Sport-Ekspress» nashri 21 yoshli himoyachiga «Spartak» tomonidan qiziqish borligi haqida xabar tarqatdi. Unda qayd etilishicha, Moskva klubi Ibrohimxalilni 2 oydan buyon kuzatib kelmoqda. Yo‘ldoshev RPL 22-tur o‘yinida «Spartak» darvozasini ishg‘ol qilgach, poytaxt jamoasida qiziqish darajasi yanada ortgan. Qo‘shimcha qilinishicha, «Spartak» hamyurtimizni mart oyida jamoadan ketgan braziliyalik Ayrton o‘rniga mo‘ljallamoqda. Ma’lumot uchun, 21 yoshli chap qanot himoyachisining transferi transfermarkt portali tomonidan 800 ming yevroga baholanmoqda. To‘g‘ri, «Nijniy Novgorod» bosh direktori Ravil Izmaylovning aytishicha, «Spartak»dan hozircha o‘zbekistonlik futbolchi masalasida hech qanday taklif tushmagan.

Qozog‘iston. 2:2 hisobida yakunlangan «Tobol» - «Qayrat» o‘yini (QPL 6-turi)da Igor Sergeev va Jasur Jaloliddinov maydonda o‘zaro to‘qnash kelishdi. «Tobol» hujumchisi to‘liq vaqt to‘p surgan bo‘lsa, mehmonlar yarim himoyasida harakatlangan Jaloliddinov 59-daqiqada zaxiraga olindi. U shuningdek, birinchi bo‘lim yakunida sariq kartochka oldi. «Turan» - «Ordabasi» uchrashuvida hisob ochilmadi. Mehmonlar himoyachisi Odil Abdumajidov bu bahsda ham to‘liq 90 daqiqa faol to‘p surdi.

Qozog‘iston futzal chempionatidan o‘rin olgan «Kaspiy» va «Aktobe» o‘rtasidagi o‘yinda esa O‘zbekiston terma jamoasi darvozaboni Ravshan Eliboyev o‘zini ko‘rsatdi. Aniqroq aytsak, hamyurtimiz chiroyli gol urib, «Kaspiy»ning 9:4 hisobida ustun kelishiga munosib hissa qo‘shdi.

Italiya. «Roma» YEKL chorak finali javob uchrashuvida Norvegiyaning «Bude-Glimt» klubini muammosiz yengib (4:0), turnir yarim finaliga yo‘l oldi. Biroq Joze Mourinyo Rimdagi o‘yinda Eldor Shomurodovga imkoniyat bermadi. «Bo‘rilar» Italiya «A» seriyasi 33-turidan o‘rin olgan «Napoli»ga qarshi o‘yinni esa kecha Neapolda o‘tkazishdi.

Legionerlarimizning OCHL guruh bosqichi 3-turidagi ishtiroklari:

Otabek Shukurov: «Sharja» (BAA) safida «Al-Rayyan» (Qatar)ga qarshi o‘yin (1:1)da 90 daqiqa.

Muhammad Isayev: «Istiqlol» (Tojikiston) safida «Al-Hilol» (S.Arabistoni)ga qarshi o‘yin (0:1)da 59 daqiqa.

Aziz G‘aniyev: «Shabab Al-Ahli (BAA) safida «Al-G‘arafa» (Qatar)ga qarshi bahs (1:1)da maydonga tushmadi.

Tizimga kirish
El. pochta:
Parol:
	Esda saqlash

registrasiya \| parolni tiklash

27/12 01:00	Man. Yunayted	1-0	Nyukasl
27/12 16:30	Parma	1-0	Fiorentina
27/12 17:30	Nottingem Forest	1-2	Manchester Siti
27/12 19:00	Lechche	0-3	Komo
27/12 19:00	Torino	1-2	Kalyari
27/12 20:00	Arsenal	2-1	Brayton
27/12 20:00	Brentford	4-1	Bornmut
27/12 20:00	Byornli	0-0	Everton
27/12 20:00	Liverpul	2-1	Vulverhempton
27/12 20:00	Vest Xem	0-1	Fulhem
27/12 22:00	Udineze	1-1	Lasio
27/12 22:30	Chelsi	1-2	Aston Villa
28/12 00:45	Piza	0-2	Yuventus
28/12 16:30	Milan	-	Verona
28/12 19:00	Cremonese	-	Napoli
28/12 19:00	Sanderlend	-	Lids
28/12 21:30	Kristal Pelas	-	Tottenhem
28/12 22:00	Bolonya	-	Sassuolo
29/12 00:45	Atalanta	-	Inter

Ibrohimxalil «Spartak» nigohida yoki legionerlarimizda nima gaplar?

Ibrohimxalil «Spartak» nigohida yoki legionerlarimizda nima gaplar?

Eng ko'p o'qilgan yangiliklar