Madridning «Real» klubining braziliyalik yarim himoyachisi Kazemiro jarohati sabab «Manchester Siti»ga qarshi Chempionlar ligasi yarim finalining birinchi o‘yinini o‘tkazib yuboradi.
Jurnalist Xose Luis Sanchesning yozishicha, 30 yoshli braziliyalik futbolchining mushaklarida muammo bor, shu sabab yarim himoyachi Ispaniya chempionati doirasidagi «Osasuna»ga qarshi o‘yinni o‘tkazib yuboradi. Kazemironing «Manchester Siti»ga qarshi birinchi o‘yingacha ham to‘liq tiklanishi shubha ostida.
Eslatib o‘tamiz, «Real» va «Siti» o‘rtasidagi ilk yarim final uchrashuvi 26 aprel kuni bo‘lib o‘tadi.
