«Manchester Yunayted» hujumchisi Krishtianu Ronaldu Angliya chempionatining 30-turi doirasida «Liverpul»ga qarshi o‘yinni o‘tkazib yuboradi, deb xabar bermoqda klub matbuot xizmati. Sababi 18 aprel kuni portugaliyalikning yangi tug‘ilgan farzandi vafot etdi.

«Oila eng muhimi va Krishtianu Ronaldu ushbu o‘ta og‘ir damlarda o‘z yaqinlarini qo‘llab-quvvatlashi kerak. Shunday qilib, «Manchester Yunayted» matbuot xizmati Ronaldu «Enfild»dagi «Liverpul»ga qarshi uchrashuvda o‘ynamasliginini ma’lum qiladi. Krishtianu, klubdagilarning barchasi ruhan sen bilan birga va oilangga hamdardmiz», - deyiladi xabarda.

2021 yil oktabr oyida futbolchi va uning rafiqasi Jorjina Rodriges egizak farzand kutayotganliklarini e’lon qilishdi. Er-xotin bir o‘g‘il va bir qizli bo‘lishlari kerak edi.