«Манчестер Юнайтед» ҳужумчиси Криштиану Роналду Англия чемпионатининг 30-тури доирасида «Ливерпуль»га қарши ўйинни ўтказиб юборади, деб хабар бермоқда клуб матбуот хизмати. Сабаби 18 апрель куни португалияликнинг янги туғилган фарзанди вафот этди.
«Оила энг муҳими ва Криштиану Роналду ушбу ўта оғир дамларда ўз яқинларини қўллаб-қувватлаши керак. Шундай қилиб, «Манчестер Юнайтед» матбуот хизмати Роналду «Энфилд»даги «Ливерпуль»га қарши учрашувда ўйнамаслигинини маълум қилади. Криштиану, клубдагиларнинг барчаси руҳан сен билан бирга ва оилангга ҳамдардмиз», - дейилади хабарда.
2021 йил октабр ойида футболчи ва унинг рафиқаси Жоржина Родригес эгизак фарзанд кутаётганликларини эълон қилишди. Эр-хотин бир ўғил ва бир қизли бўлишлари керак эди.
