Joriy mavsumni «Lion» safida ijara asosida o‘tkazayotgan «Chelsi» himoyachisi Emerson Palmeri kelasi mavsumda ham fransuz klubida qolishni istashini aytdi.
«Men «Lion»da qolishni istardim. Buni gapni hech qanday qiyinchiliksiz ayta olaman. «Lion» katta klub va men bu yerda ekanligimdan xursandman. Ammo qaror men tomonidan qabul qilinmaydi, bu menga bog‘liq emas», - dedi Emerson fransuz jurnalisti Ugo Giyemega bergan intervyusida.
Eslatib o‘tamiz, qishda «Chelsi» jarohat olgan Ben Chiluellga o‘rinbosar sifatida Emersonni ortga qaytarmoqchi edi, biroq «Lion» rahbariyati uni 4 million yevro tovon puli sabab uni qo‘yib yuborishga rozi bo‘lmadi.
