«Chelsi» himoyachisi Antonio Ryudiger kelajagi borasida yaqin ikki hafta ichida bir qarorga kelishni rejalashtirmoqda.

Britaniyaning The Athletic nashri xabariga ko‘ra, "ko‘klar" bosh murabbiyi Tomas Tuxel germaniyalik futbolchining qaroriga ta’sir ko‘rsatishi mumkin.

Tuxel Ryudigerni shoshilinch qaror qabul qilmaslikka va «Chelsi» yangi xo‘jayinga ega bo‘lguncha kutishga ko‘ndiradi.

Eslatib o‘tamiz, endilikda London klubi joriy qilingan sanksiyalar tufayli futbolchilar bilan shartnomani uzaytirish, shuningdek, o‘yinchilarni sotish va sotib olish huquqiga ega emas.

Ryudigerga davogarlar qatorida avvalroq «Yuventus», «Real» va Kataloniyaning «Barselona» klublari qayd etilgandi.