«Челси» ҳимоячиси Антонио Рюдигер келажаги борасида яқин икки ҳафта ичида бир қарорга келишни режалаштирмоқда.

Британиянинг The Athletic нашри хабарига кўра, "кўклар" бош мураббийи Томас Тухель германиялик футболчининг қарорига таъсир кўрсатиши мумкин.

Тухель Рюдигерни шошилинч қарор қабул қилмасликка ва «Челси» янги хўжайинга эга бўлгунча кутишга кўндиради.

Эслатиб ўтамиз, эндиликда Лондон клуби жорий қилинган санкциялар туфайли футболчилар билан шартномани узайтириш, шунингдек, ўйинчиларни сотиш ва сотиб олиш ҳуқуқига эга эмас.

Рюдигерга давогарлар қаторида аввалроқ «Ювентус», «Реал» ва Каталониянинг «Барселона» клублари қайд этилганди.