Angliyalik hujumchi Xarri Keyn keyingi mavsumda ham «Tottenxem»da qolishi mumkin.

28 yoshli forvard o‘tgan yozda «Manchester Siti» bilan shartnoma imzolashga yaqin kelgandi, ammo transfer amalga oshmay qolgandi.

Hozirda «shaharliklar» «Borussiya» hujumchisi Erling Xolandni sotib olish ustida faol ishlamoqda, Keyn endilikda «shaharliklar»ning transfer bozoridagi asosiy maqsadi emas.

Angliyalik futbolchiga «Manchester Yunayted» ham qiziqish bildirayotgandi, ammo jamoani Garri bilan «Tottenxem»da ishlagan Maurisio Pochettino boshqarmasligi aniq bo‘lgach, bu transfer ehtimoli pasaygan.

Buning ustiga, «shporlar»ning kelasi mavsumda Chempionlar ligasiga yo‘llanma olish uchun yaxshi imkoniyati bor.

Bu omillarning barchasi Keynning «Tottenxem»da qolishini ko‘rishi mumkin, deb yozmoqda The Times.

Hujumchining londonliklar bilan shartnomasi 2024 yilning yoziga qadar tuzilgan.