Англиялик ҳужумчи Харри Кейн кейинги мавсумда ҳам «Тоттенхэм»да қолиши мумкин.
28 ёшли форвард ўтган ёзда «Манчестер Сити» билан шартнома имзолашга яқин келганди, аммо трансфер амалга ошмай қолганди.
Ҳозирда «шаҳарликлар» «Боруссия» ҳужумчиси Эрлинг Холандни сотиб олиш устида фаол ишламоқда, Кейн эндиликда «шаҳарликлар»нинг трансфер бозоридаги асосий мақсади эмас.
Англиялик футболчига «Манчестер Юнайтед» ҳам қизиқиш билдираётганди, аммо жамоани Гарри билан «Тоттенхэм»да ишлаган Маурисио Почеттино бошқармаслиги аниқ бўлгач, бу трансфер эҳтимоли пасайган.
Бунинг устига, «шпорлар»нинг келаси мавсумда Чемпионлар лигасига йўлланма олиш учун яхши имконияти бор.
Бу омилларнинг барчаси Кейннинг «Тоттенхэм»да қолишини кўриши мумкин, деб ёзмоқда The Times.
Ҳужумчининг лондонликлар билан шартномаси 2024 йилнинг ёзига қадар тузилган.
