«Milan» bosh murabbiyi Stefano Pioli Italiya kubogining yarim final bosqichida bo‘lib o‘tgan «Inter»ga qarshi o‘yin (0:3) borasida o‘z fikrlari bilan o‘rtoqlashdi.

«Biz g‘alaba qozonishni istagandik, ammo o‘z maqsadimizga yeta olmadik. Bizga qarshi kuchli raqib o‘ynadi. Ammo, 0:3 hisobi o‘yinga mos bo‘lmadi. «Inter» kerakli paytda gol urishga muvaffaq bo‘ldi. Raqib tezkor gol urdi. Bizda esa o‘yinga qaytish imkoniyati yuzaga keldi, agar undan foydalanganimizda, hisob 1:2ga yetganidan keyin boshqacha o‘yin bo‘lardi.

"Inter" uchta gol urgan ekan, demak, bu jamoa sifatli o‘yin namoyish etdi, biz esa xatolarga yo‘l qo‘ydik. Biz ishtiyoq, intensivlik va vaziyat yaratish borasida muammoga duch kelmadik, ammo bu bizning oqshom emasdi. Finalga chiqishni istagandik, ammo endi A seriyada chempionlik uchun kurashda bor kuchimizni berib harakat qilamiz. Buning uchun bizda barcha imkoniyatlar bor», – dedi «Milan» ustozi.