"Liverpul" ayni damda uchta turnirda ishtirok etmoqda. Mavsum yakunlanishiga esa bir oycha vaqt bor. Lekin mersisayliklar yuqori darajadagi futbol ko‘rsatishda davom etmoqda. Jamoa muxlislari mavsumni to‘rtta sovrin bilan tugatilishini orzu qiladi. Angliya liga kubogi bosh sovrini – allaqachon cho‘ntakda. APL, YECHL hamda Angliya kubogidagi yurish esa davom etmoqda. Quyida Yurgen Klopp jamoasining imkoniyatlariga baho beramiz.
Premyer-liga
"Liverpul" mavsumning o‘ta muhim o‘yini bo‘lgan "Manchester Siti"ga qarshi bahsni 2-2 hisobidagi durang bilan yakunlagan edi. Bu esa har ikki jamoa o‘rtasida bir ochkolik farq saqlanib qolishiga olib keldi. Ammo kechagi "MYU" ustidan qozonilgan g‘alaba, vaqtinchalik mersisaydliklarning yetakchiligini ta’minlaydi. Oldinda esa ularni "Tottenxem" hamda "Everton"ga qarshi muhim bahslar kutmoqda.
APLda qolgan o‘yinlar:
"Liverpul" ‐ "Everton" – 24.04.2022
"Nyukasl" - "Liverpul" – 30.04.2022
"Liverpul" - "Tottenxem" – 7.05.2022
"Aston Villa" - "Liverpul" – 10.05.2022
"Liverpul" - "Vulverxempton" – 22.05.2022
"Sautgempton" - "Liverpul" – vaqti aniq emas
Angliya kubogi
"Liverpul" Angliya kubogini olganiga ko‘p yillar bo‘lib ketdi. Bu voqea so‘nggi bor 2006 yilda yuz bergan edi. O‘shanda Stiven Jerrardning goli "Vest Xem" ustidan g‘alabani ta’minlaydi.
Yarim finalda Pep Gvardiola jamoasining mag‘lubiyatga uchratilishi, Klopp uchun ilk bor kubok finaliga yo‘l ochdi. Endilikda "Liverpul"ni "Uembli"da o‘ta jiddiy raqib kutadi. "Chelsi" o‘z uyiday bo‘lib qolgan stadionda shimoliy hudud jamoasini ayab o‘tirmasligi mumkin...
Final:
"Liverpul" - "Chelsi" – 14.05.2022 (Toshkent vaqti bilan -19:00).
Chempionlar ligasi
Ko‘pchilik "Liverpul"ning YECHLdagi imkoniyatlarini APLdagiga qaraganda yaxshiroq baholamoqda. Chunki jamoa chorak finalda "Benfika" to‘sig‘idan oson o‘tib, "Vilyarreal"ga duch keldi. Agar Unai Emeri jamoasi ham mag‘lub etilsa, u holda final "Manchester Siti" yoxud "Real"ga qarshi kechadi.
YECHL yarim finali:
"Liverpul" - "Vilyarreal" – 27.04.2022
"Vilyarreal" - "Liverpul" – 3.05.2022
"Carabao Cup" (olingan)
"Liverpul" bu mavsumning qoq yarmida yangi titul qo‘lga kiritgan edi. "Qizillar" o‘shanda finalga qadar "Lester" hamda "Arsenal" qarshiligini yengishiga to‘g‘ri kelgan. Final "Chelsi" bilan kechadi va golsiz tugaydi. Penaltilar seriyasida esa mersisaydliklarning qo‘li baland
kelgandi.
Musobaqadagi yo‘l:
"Norvich" - "Liverpul" – 21.09.2021 (0-3)
"Preston - "Liverpul" – 27.10.2021 (0-2)
"Liverpul" - "Lester" – 22.12.2021 (3-3)*
"Liverpul" - "Arsenal" – 13.01.2022 (0-0)
"Arsenal" - "Liverpul" – 20.01.2022 (0-2)
"Chelsi" - "Liverpul" – 27.02.2022 (0-0)*
Shunday qilib, "Liverpul" har qaysi musobaqada yaxshi imkoniyatlarini saqlab turibdi. Xarholda, klub barcha frontlarda favorit sifatida e’tirof etilmoqda.
Jaloliddin ISMATOV tarjimasi
