«PSJ» himoyachisi Serxio Ramos yozda Parij klubini tark etishi mumkin, deya xabar beradi Le Parisien.
Manba bergan xabarga ko‘ra, Fransiya jamoasi rahbariyati 36 yoshli futbolchini tez-tez jarohat olgani uchun sotuvga qo‘yishini ma’lum qilgan. Mavsumning katta qismida Ramos asosiy tarkibdan tashqarida qoldi.
Futbolchining parijliklar bilan shartnomasi 2023 yilning yoziga qadar mo‘ljallangan, ammo «PSJ» bu yozda u bilan xayrlashishga tayyor. Ramosning o‘zi ham jamoada qolib, o‘z o‘rni uchun kurashishni istamayapti.
«PSJ» mutasaddilari Ramosni qo‘lga kiritish orqali Parij klubi UYEFA Chempionlar Ligasida yaxshiroq o‘ynashiga yordam berishiga umid qilishgan. Afsuski, Serxio bu mavsum o‘z darajasida o‘ynay olmadi.
