«ПСЖ» ҳимоячиси Серхио Рамос ёзда Париж клубини тарк этиши мумкин, дея хабар беради Le Parisien.
Манба берган хабарга кўра, Франция жамоаси раҳбарияти 36 ёшли футболчини тез-тез жароҳат олгани учун сотувга қўйишини маълум қилган. Мавсумнинг катта қисмида Рамос асосий таркибдан ташқарида қолди.
Футболчининг парижликлар билан шартномаси 2023 йилнинг ёзига қадар мўлжалланган, аммо «ПСЖ» бу ёзда у билан хайрлашишга тайёр. Рамоснинг ўзи ҳам жамоада қолиб, ўз ўрни учун курашишни истамаяпти.
«ПСЖ» мутасаддилари Рамосни қўлга киритиш орқали Париж клуби УЕФА Чемпионлар Лигасида яхшироқ ўйнашига ёрдам беришига умид қилишган. Афсуски, Серхио бу мавсум ўз даражасида ўйнай олмади.
