Dortmundning “Borussiya” klubi yarim himoyachi Jud Bellingemni ikki ingliz klubiga sotishdan bosh tortdi. Football Insider xabariga ko‘ra, futbolchiga "Liverpul" va "Manchester Yunayted" taklif bilan chiqqan.
"Asalarilar" yaqin kelajakda 18 yoshli futbolchini qo‘yib yuborish niyatida emas. Bellingemning o‘zi ham nemis klubini tark etmoqchi emas.
Joriy mavsumda Bellingem “Borussiya” safida barcha musobaqalarda 40 ta o‘yinda maydonga tushib, 6 ta gol urdi va 13 ta golli uzatmani amalga oshirdi.
Uning Dortmund klubi bilan shartnomasi 2025 yilning 30 iyuniga qadar mo‘ljallangan.
