«RB Leypsig» sport direktori Oliver Mintslaff jamoa yarim himoyachisi Kristofer Nkunku atrofidagi mish-mishlarga izoh berdi. Matbuotda «PSJ»ga qaytishi yoki «Manchester Yunayted»ga o‘tishi haqida xabarlar tarqalgan edi.
«Men buni avval ham aytganman, hozir ham aytaman: Nkunku keyingi mavsumda ham bizning o‘yinchimiz bo‘ladi. Bizning asosiy maqsadimiz hozirgi jamoani keyingi yil uchun saqlab qolishdir», dedi Mintslaff
Eslatib o‘tamiz, Kristofer Nkunku joriy mavsumda «RB Leypsig» safida barcha turnirlarda 30 ta gol va 16 ta golli uzatmani amalga oshirdi. Fransiyalik futbolchi bir mavsumda 30 ta goldan o‘tishga muvaffaq bo‘lgan Timo Vernerdan keyin jamoa tarixidagi ikkinchi futbolchiga aylandi.
